Практикалық бағыттағы оқыту мен кәсіби құзыреттіліктерді дамыту шеңберінде 6В11201 - Тіршілік қауіпсіздігі және қоршаған ортаны қорғау және 6В05201 - Экология білім беру бағдарламаларының студенттері «Инженерия және өнеркәсіптік технологиялар» кафедрасының профессоры Исаева Ж.Б. жетекшілігімен Enbek Skills цифрлық білім беру платформасында біліктілікті арттыру курстарынан өтті.

Оқу бағдарламасына келесі модульдер енгізілді:

• «Еңбек қауіпсіздігі және еңбекті қорғау негіздері» (36 академиялық сағат);
• «Экологиялық қауіпсіздік негіздері» (36 академиялық сағат). 

Оқыту қашықтықтан, интерактивті білім беру ресурстарын қолдану арқылы ұйымдастырылды, бұл оқу процесін дараландыруға және оның тиімділігін арттыруға мүмкіндік берді. Курсты сәтті аяқтаған барлық қатысушыларға электрондық сертификаттар табысталды. Студенттердің оқытушымен бірлесе қатысуы оқу материалдарының тереңірек меңгерілуіне, өзекті кәсіби мәселелерді бірлесіп талқылауға және теория мен практиканың өзара байланысын нығайтуға жағдай жасады.
Оқу барысында студенттер:
- еңбек қауіпсіздігі мен экологиялық қауіпсіздік саласындағы заманауи талаптармен танысты;
- кәсіби тәуекелдерді бағалау және оларды азайту әдістерін меңгерді;
- тұрақты экологиялық басқарудың қазіргі құралдарымен жұмыс істеу дағдыларын қалыптастырды;
- қауіпсіз және экологиялық жауапты кәсіби қызмет қағидаларын қолдану тәжірибесін алды.
Бұл бастама кафедра тарапынан цифрлық білім беру ресурстарын оқу процесіне біріктіру және студенттердің қазіргі еңбек нарығы талаптарына сай кәсіби құзыреттерін дамыту бағытында жүргізіліп жатқан жүйелі жұмыстың бір бөлігі болып табылады.