Академиялық күнтізбеге сәйкес, 2024-2025 оқу жылының ҚЫСҚЫ СЕССИЯСЫ 2024 жылдың 17 желтоқсанынан бастап 2025 жылдың 5 қаңтарына дейін өтеді.

Сіздерге Қазақстан Республикасы Ғылым және жоғары білім министрінің 2023 жылғы 5 сәуірдегі №145 бұйрығымен бекітілген кредиттік технология бойынша оқу процесін ұйымдастыру ережелерінің 2-параграфы, 28-тармағына, ИнЕУ Академиялық саясатының 13-бөліміне, сондай-ақ білім алушылардың ағымдағы үлгерімін бақылау, аралық және қорытынды аттестациясын ұйымдастыру және өткізу ережелерінің (Ғылыми кеңестің 2023 жылғы 23 ақпандағы №5 хаттамасы) 5 және 6-бөлімдеріне сәйкес, білім алушы емтиханға 50%-дан кем емес рұқсат рейтингі болған жағдайда ғана жіберілетінін еске саламыз.

Егер пән бойынша курстық жұмыс/жоба қарастырылған болса, курстық жұмыс/жобаны қорғау бағасы білім алушылардың рұқсат рейтингіне есептеледі, яғни бұл балл ескеріледі.

Рұқсат рейтингісіз емтиханға жіберу және емтихан бағасын қою қатаң түрде тыйым салынады! Осы талапты бұзған жағдайда, емтихан нәтижелері жарамсыз деп танылады.

Сондай-ақ, бағаларды қою мерзімі аяқталғаннан кейін оларды енгізуге, түзетуге және/немесе өзгертуге қатаң тыйым салынады.

Емтиханды тапсырмаған немесе F, FX баға алған жағдайда, пән Жазғы семестрге ауыстырылады.

Жазғы семестрдің мерзімі: 2025 жылдың 2 маусымы – 15 шілдесі.

Жазғы семестрге тіркелу үшін білім алушы 2025 жылдың 30 мамырына дейін Офис-регистраторға (115-кабинет) өтініш жазуы керек. Академиялық қарыздарды өтеу оқу бағыттары бойынша жүзеге асырылады (1 жазғы семестрде 30 кредиттен аспайды).