» Foundation

🎓 «Foundation» бөлімі

«Foundation» бөлімі «Инновациялық Еуразия университеті» ЖШС-нің құрылымдық бөлімшесі болып табылады, оның қызметі тыңдаушылардың жалпы білім беру және тілдік дайындық деңгейін арттыруға бағытталған.

Мақсаты – дайындық бағытына қарай қазақ, орыс тілдерін және жалпы білім беретін пәндерді оқытуды ұйымдастыру арқылы тыңдаушыларды жоғары оқу орнында әрі қарай оқуға дайындау.

Міндеттері:

Қазақстан Республикасының азаматтары болып табылмайтын қазақ ұлты өкілдерінің мемлекеттік тілді меңгеру деңгейін арттыру және Ұлттық бірыңғай тестілеуді тапсыруға қажетті оқу материалдарын игеруі мақсатында оқытуды ұйымдастыру;
Қазақстан Республикасы азаматтарының жоғары оқу орындарына түсуге дайындық аясында академиялық деңгейін арттыруды қамтамасыз ету;
Шетел азаматтарының тілдік дайындық деңгейін арттыру үшін оқытуды ұйымдастыру.

Foundation бөліміне қабылдау және оқыту Қазақстан Республикасының «Білім туралы» Заңына және Қазақстан Республикасы Білім және ғылым министрінің 2011 жылғы 30 желтоқсандағы № 554 «Қазақстан Республикасының жоғары және (немесе) жоғары оқу орнынан кейінгі білім беру ұйымдарының дайындық бөлімдері қызметін ұйымдастыру қағидаларын бекіту туралы» бұйрығына сәйкес жүзеге асырылады.

ℹ️ Толық ақпарат

Тыңдаушылар санаттары

– Қазақстан Республикасының азаматтары;
– Қазақстан Республикасының азаматтары болып табылмайтын қазақ ұлты өкілдері;
– шетел азаматтары.

Оқуға қабылдау әңгімелесу нәтижелері негізінде жүзеге асырылады:

мемлекеттік білім беру тапсырысы (грант) бойынша*
жеке тұлғалардың қаражаты есебінен ақылы негізде**

* Қазақстан Республикасының «Білім туралы» Заңының 8-бабы 2-тармағына сәйкес, мемлекеттік білім беру тапсырысы (грант) бойынша оқыту алғаш рет жүзеге асырылса, тегін беріледі.

** Ақылы негізде оқыту да конкурстық іріктеу нәтижелері бойынша жүргізіледі. Төлем мөлшері мен тәртібі нормативтік құқықтық актілермен және білім беру қызметтерін көрсету туралы шарт талаптарымен айқындалады.

📁 Әңгімелесуге қажетті құжаттар тізбесі

Қазақстан Республикасының азаматтары
▼
1) конкурстық іріктеуге қатысу туралы өтініш электрондық немесе қағаз түрінде;
2) жеке басын куәландыратын құжаттың электрондық көшірмесі немесе қағаз нұсқасы;
3) орта жалпы (жалпы орта), бастауыш кәсіптік (техникалық және кәсіптік), орта кәсіптік (орта білімнен кейінгі) білімі туралы құжаттың және оған қосымшаның электрондық көшірмесі немесе қағаз нұсқасы;
4) Қазақстан Республикасы Денсаулық сақтау министрінің м.а. 2020 жылғы 30 қазандағы №ҚР ДСМ-175/2020 «Денсаулық сақтау саласындағы есептік құжаттама нысандарын бекіту туралы» бұйрығымен бекітілген 075/у нысанындағы медициналық анықтама.
Қазақстан Республикасының азаматтары болып табылмайтын қазақ ұлты өкілдері және шетел азаматтары
▼
конкурстық іріктеуге қатысу туралы өтініш электрондық немесе қағаз түрінде;
жеке басын куәландыратын құжаттың қазақ немесе орыс тіліне нотариалды куәландырылған аудармасының электрондық көшірмесі немесе қағаз нұсқасы;
білімі туралы құжаттың және оған қосымшаның электрондық көшірмесі немесе қағаз нұсқасы және сканерленген нотариалды куәландырылған аудармасы (егер құжат толықтай шет тілінде болса), мөр аудармасын қоса алғанда;
үміткердің тұратын елінің ресми денсаулық сақтау органы берген шетелге оқуға шығушыға арналған медициналық анықтаманың электрондық көшірмесі немесе қағаз нұсқасы немесе Қазақстан Республикасы Денсаулық сақтау министрінің м.а. 2020 жылғы 30 қазандағы №ҚР ДСМ-175/2020 «Денсаулық сақтау саласындағы есептік құжаттама нысандарын бекіту туралы» бұйрығымен бекітілген 075/у нысанындағы медициналық анықтама.
қазақ ұлтына тиесілілігін растайтын құжаттар (Қазақстан Республикасының азаматтары болып табылмайтын қазақ ұлты өкілдері үшін).

🗓️ Әңгімелесуге құжат қабылдау

Әңгімелесуге қатысу үшін құжат қабылдау

5 шілдеден 5 қыркүйекке дейін

Онлайн:

Онлайн: Құжаттардың электрондық көшірмелерін электрондық пошта мекенжайына жіберу: ineuinternational@gmail.com

Офлайн:

Құжаттарды қағаз түрінде қабылдау комиссиясына мына мекенжай бойынша ұсыну: Павлодар қ., Ломов көшесі 45.

Әңгімелесу кезеңі

Әңгімелесу өткізу мерзімі 10 қыркүйектен 15 қыркүйекке дейін

Әңгімелесу ережелері
▼
Талапкер әңгімелесу басталғанға дейін тұрақты интернет байланысын қамтамасыз етіп, жұмыс орнын дайындауы тиіс.
Талапкер жеке басын куәландыратын құжатты және құжатты тіркеу туралы хабарламаны немесе құжаттарды қабылдау туралы қолхатты ұсынған кезде әңгімелесуге жіберіледі.
Әңгімелесу бейне және аудио жазба арқылы жүргізіледі. Комиссия мүшелері веб-камера арқылы әңгімелесу қатысушысын бақылайды.
Әңгімелесу кезінде талапкер веб-камераның көру аймағынан шықпауы, алаңдамауы, микрофонды өшірмеуі немесе оның дыбыс деңгейін төмендетпеуі тиіс;
Талапкер өз бетінше жауап беруге міндетті.
Талапкердің жанында басқа адамдардың болуына қатаң тыйым салынады.
Байланыс құралдарын, фото-, аудио- және бейнеаппаратураны, анықтамалық материалдарды, жазбаша ескертпелерді және ақпаратты сақтау мен беру құралдарын өзімен бірге ұстауға тыйым салынады.
Интернет байланысы сапасыз болып, әңгімелесу қатысушысының аудио және бейне жауабы болмаған жағдайда Комиссия хатшысы «Әңгімелесуді мерзімінен бұрын аяқтау туралы акт» жасайды. Мұндай қатысушыға 15 қыркүйектен кешіктірмей әңгімелесуден қайта өту мүмкіндігі беріледі.
Әңгімелесу қатысушысының жауабы қанағаттанарлықсыз бағаланған жағдайда қайта әңгімелесу (қайта тапсыру, апелляция) рұқсат етілмейді.
Талапкер келесі жағдайларда әңгімелесуден шеттетіледі немесе жіберілмейді:
▼
талапкер жеке басын куәландыратын құжаттағы деректерге (фотоға) сәйкес келмейді;
талапкер конкурстық іріктеуді өткізу тәртібінде көзделген талаптарды бұзды.

📣 Конкурстық іріктеу нәтижелері (мемлекеттік білім беру тапсырысы бойынша тыңдаушыларды қабылдау туралы шешім) талапкерлердің назарына 25 қыркүйекке дейін жеткізіледі.

💳 Оқу құны

Foundation бөлімінің тыңдаушылары үшін оқу құны Қазақстан Республикасының «Білім туралы» Заңы негізінде тиісті оқу жылына бекітілген ақылы білім беру қызметтерінің тарифтеріне сәйкес Басқарма төрағасы - ректордың бұйрығымен бекітіледі.

Бір тыңдаушыға оқу құны – жылына 605 000 теңге.

Оқу ақысы Қоғам мен тыңдаушы немесе тыңдаушының өзге өкілдері арасында жасалған білім беру қызметтерін көрсету туралы шартқа сәйкес жүзеге асырылады.

Білім беру қызметтерін көрсету туралы шартты рәсімдеу үшін қажет:

- тыңдаушының немесе оның өкілінің жеке басын куәландыратын құжат көшірмесімен бірге болуы;
- білім беру қызметтеріне төлем жасалғаны туралы түбіртектің болуы.

✅ Университетке қабылдау

Оқуға қабылдау 25 қыркүйектен 28 қыркүйекке дейін

Тыңдаушыларды ақылы негізде қабылдау білім беру қызметтерін көрсету туралы шарт жасалғаннан және университетте оқу ақысы төленгеннен кейін, конкурстық іріктеу нәтижелері хаттамасын ескере отырып жүзеге асырылады (ең төменгі өту балы кемінде 50 болуы тиіс).

Foundation бөліміне қабылданған тыңдаушылар оқу басталғанға дейін құжаттардың толық пакетін ұсынуға міндетті.

📄 Оқуға қабылдау үшін құжаттар тізбесі

ректордың атына өтініш;
жеке басын куәландыратын құжат (көшірме) және жеке басын куәландыратын құжаттың қазақ немесе орыс тіліне нотариалды куәландырылған аудармасы;
білімі туралы құжат және оған қосымша (түпнұсқа) және мөр аудармасын қоса алғанда нотариалды куәландырылған аударма (егер құжат толықтай шет тілінде болса);
Қазақстан Республикасы Денсаулық сақтау министрінің м.а. 2020 жылғы 30 қазандағы №ҚР ДСМ-175/2020 «Денсаулық сақтау саласындағы есептік құжаттама нысандарын бекіту туралы» бұйрығымен бекітілген флюорографиясы бар 075/у нысанындағы медициналық анықтама;*
медициналық сақтандыру полисі (көшірме);
қазақ ұлтына тиесілілігін растайтын құжаттар (Қазақстан Республикасының азаматтары болып табылмайтын қазақ ұлты өкілдері үшін);
бірінші және екінші топтағы мүгедектігі бар тыңдаушылар, сондай-ақ бала кезінен мүгедектігі бар тұлғалар дайындық бөлімінде оқуға қарсы көрсетілімдердің жоқтығы туралы медициналық қорытынды ұсынады;
3x4 см фотосурет – 2 дана;
қағаз скоросшиватель – 1 дана;
өлшемі 15х21 см қағаз конверт – 1 дана;
файл – 15 дана.

📅 Оқу кезеңі

📌 1 қазан – 30 маусым (9 ай)

🏫 Тұру шарттары

Студенттер үйіне (жатақханаға) орналасуға рұқсат қабылдау туралы бұйрық шыққаннан кейін беріледі (29 қыркүйектен бастап).

Паспорт (түпнұсқа және 1 көшірме)
3×4 фотосурет – 6 дана
075/у нысанындағы медициналық анықтама және флюорография (көшірме)
Медициналық сақтандыру
Тұру ақысының төленгені туралы түбіртек
Папка-скоросшиватель – 1 дана

© 2006-2024 Инновациялық Еуразия Университеті (ИнЕУ) | ineu.edu.kz. Барлық құқық сақталған.

Главная страница Telegram