ИнЕУ «Спорт және дене шынықтыру» кафедрасының студенті Андрей Буяльский Айова штаты американдық «Дубьюк Файтинг Сэйнтс» хоккей клубына ауысады.

«Алматы» хоккей клубының жас шабуылшысы Андрей Буялский (суретте сол жақта) АҚШ-тың үздік жасөспірімдер лигасы болып табылатын USHL-де мансабын жалғастырады.

Естеріңізге сала кетейік, Андрей Канада мен Чехияда өткен соңғы екі әлем чемпионаттарында Қазақстан жастар құрамында ойнап, АҚШ пен Финляндия қақпаларына гол соқты. Осы жылдың қаңтарында ол НХЛ жобасының аралық рейтингіне енгізілді. Қазақстанның тұрақты чемпионатында 20 жастағы «Алматы» шабуылшысы 24 матч өткізіп, активке 13 (5+8) ұпай жазды.

Халықаралық дәрежедегі спорт шебері, шайбалы хоккейден әлем чемпионы Андрей Буяльский «Дене шынықтыру және спорт» білім беру бағдарламасы бойынша ИнЕУ-дің 3-курсында оқиды.

«Бүгінде ИнЕУ аймақтағы - әлем чемпиондары оқитын жалғыз жоғары оқу орны. Олардың барлығы өте дарынды балалар, біз оларды мақтан тұтамыз. Олар тек спорт пен университетті ғана емес, елді де даңқтайды. Бұл өте қымбат, өйткені балалар осы қиын уақытта да сәтті оқиды. Андрей өз кезегінде бәріне үлгереді, оның оқуда проблемалары жоқ. Сонымен қатар, ол инстаграмда өз парақшасын құрды, онда ол бос емес болғанына қарамастан, жаттығу процесі туралы пайдалы ақпаратпен бөліседі, психологиялық қолдау көрсетеді және жас спортшыларға өз тәжірибелеріне сүйене отырып көмектеседі. Олар айтқандай, талантты адам барлық жағынан дарынды!» - «Спорт және дене шынықтыру» кафедрасының меңгерушісі Сергеева Валерия Викторовна өз ойымен бөлісті.

Андрей Буяльскийді құттықтаймыз және болашақ мансабында сәттілік тілейміз!

ИнЕУ баспасөз қызметі
(shaiba.kz сайтының ақпараты бойынша)