2024 жылдың 15 қарашасында, Қазақстан Республикасының Ұлттық валютасы күніне орай, Инновациялық Еуразия университетінде ИнЕУ консорциумы студенттері арасында қаржылық қауіпсіздік олимпиадасы өтті.

Іс-шараның мақсаты – қаржылық сауаттылықты арттыру және жастарды экономикалық қауіпсіздік мәселелеріне назар аударуға шақыру.

Қазылар алқасының құрамында:

• Кожамқұлова Әлия, Павлодар облысының Экономикалық тергеу департаментінің аға операторы, экономикалық тергеулер қызметінің капитаны;
• Анапьянов Руслан, «Банк ЦентрКредит» АҚ орталық бөлімшесінің директоры;
• Жанұзақова Салтанат, ИнЕУ «Экономика және құқық» кафедрасының доценті болды.

Олимпиада үш кезеңнен тұрды: 1️⃣ Теориялық тест: қаржылық қауіпсіздік негіздері бойынша білім тексерілді, жауап беру қосымшасы қолданылды. 2️⃣ Задачаларды шешу: қаржылық сауаттылыққа қатысты тапсырмалар, интерактивті құралдармен шешілді. 3️⃣ Кейс бойынша дебаттар: қатысушылар жұп болып өз позицияларын дәлелдеп, рөлдерді бөле отырып тапсырмаларды орындады.

Нәтижесінде: 🥇 Бірінші орынды ВКИнЕУ студенті Тулеуова Адита иеленді. 🥈 Екінші орын ИнЕУ студенттері Ораз Шыңғыс пен Берестовская Викторияға берілді. 🥉 Үшінші орын ИнЕУ студенттері Алистрапенко Денис, Оспанов Сабыр және ВКИнЕУ студенті Түлегенова Жансяға берілді.

«Банк ЦентрКредит» АҚ орталық бөлімшесінің директоры Руслан Анапьянов: «Олимпиадаға қатысу мен үшін қызықты тәжірибе болды. ИнЕУ-мен ынтымақтастығымызды бағалаймын — университеттің түлектері жыл сайын біздің бөлімшеде сәтті жұмысқа орналасуда. Студенттердің дайындығы жоғары деңгейде болғанын көру маған шабыт берді», – деп атап өтті.

Іс-шара динамикалық өтті және қатысушыларға жаңа біліммен қатар практикалық тәжірибе сыйлады. ИнЕУ студенттердің кәсіби дағдыларын дамытуға бағытталған іс-шараларды жүзеге асыруды жалғастыруда.