Бүгін университетте сыбайлас жемқорлыққа қарсы күреске арналған "парасаттылық сағаты" өтті. Оған 250-ден астам бірінші курс студенттері қатысты.  

Облыстық сыбайлас жемқорлыққа қарсы қызмет қызметкері Ерсұлтан Әмірханов ҚР Сыбайлас жемқорлыққа қарсы күрес агенттігінің орталық аппаратында парасаттылық департаменті құрылғанын хабарлады. 

Департамент халық арасында сыбайлас жемқорлыққа қарсы мәдениетті қалыптастырумен айналысады. Әмірханов Павлодардың екі ЖОО-да "SANALY URPAQ" жемқорлыққа қарсы зертханалар құрылғанын айтты. 

ИнЕУ тәрбие жұмысы және әлеуметтік мәселелер басқармасының басшысы Шынболат Ташеков студенттерге олардың құқықтары бұзылған жағдайда ақпараттық стендтерде көрсетілген сенім телефоны арқылы хабарласа алатынын еске салды. 

Арнайы мониторинг қызметінің мүшесі Жанғазы Еркеғали елде парасатты азаматтар көп болса, сыбайлас жемқорлық соғұрлым аз болады деп санайды. Студенттер үшін парасаттылыққа бірінші қадам-шпаргалкасыз емтихан тапсыру. 
Осы жылы Халықаралық сыбайлас жемқорлыққа қарсы рейтингте Қазақстан ТМД елдерінің көпшілігінен озып, 31 орынға көтерілді. 
- Бәрі бұл жеткіліксіз екенін түсінеді. Сондықтан кеше Президент Жолдауда сыбайлас жемқорлыққа қарсы әрекет етудің жалғасатынын атап өтті, - деп атап өтті Еркеғали. 

Жақын арада ИнЕУ-дің пікірталас алаңында студенттердің полиция, прокуратура және ҰҚК қызметкерлерімен кездесуі өтеді.