Инновациялық Еуразия университеті студенті Прудникова Анель Евгеньевна XVII Халықаралық «IT-Планета 2026» олимпиадасы аясында ұйымдастырылған «Кубок пользователей 2026» жастар чемпионатының финалына жолдама алды!
Іріктеу кезеңінің қорытындысы бойынша Анель өз бағыты бойынша турнирлік кестеде алдын ала 1-орынды иеленіп, ақпараттық технологиялар саласындағы жоғары білім деңгейін, заманауи цифрлық құралдарды еркін меңгергенін және кәсіби шеберлігін дәлелдеді.
Ауқымды чемпионатқа Ресей, Қазақстан және Беларусь елдерінің түрлі өңірлерінен 14 900-ден астам қатысушы бақ сынады. Қатысушылар отандық бағдарламалық қамтамасыз ету негізінде білімдерін жетілдіріп, тест тапсырмаларын орындап, тәжірибелік кейстерді шешті. Финалға ең мықты, креативті әрі үздік қатысушылар ғана өтті.
Чемпионаттың финалы 2026 жылғы 26 мамырда Мәскеу қаласында өтеді. Финалистер командалық форматта күрделі тапсырмалар мен инновациялық кейстерді орындап, өздерінің кәсіби қабілеттерін тағы бір мәрте дәлелдейді.
«IT-Планета» платформасының Инновациялық Еуразия университеті бойынша үйлестірушісі — ИжӨТ кафедрасының аға оқытушысы Ляшенко Ирина Ивановна. Ол студенттерге олимпиада мен чемпионаттарға қатысу барысында тұрақты ұйымдастырушылық және әдістемелік қолдау көрсетіп келеді.
Прудникова Анель Евгеньевнаны жарқын жетістігімен шын жүректен құттықтаймыз! Финалда сәттілік, шабыт пен жаңа жеңістер тілейміз!