2024–2025 оқу жылында Инновациялық Еуразия университетінің (ИнЕУ) Жас ғалымдар мен мамандар кеңесі жастардың ғылыми әлеуетін дамыту, академиялық бастамаларды ілгерілету және жас оқытушылар мен студенттерге зерттеу қызметінде қолдау көрсету бағытындағы жұмысын белсенді жалғастырды.

Кеңестің басым бағыттарының бірі – жас ғалымдардың ғылыми конференциялар мен байқауларға қатысуына жәрдемдесу болды. Кеңестің қолдауымен келесі іс-шаралар ұйымдастырылды:

• ИнЕУ ғылыми-білім беру консорциумы студенттері арасында үздік ғылыми жұмысқа арналған байқау (2024 ж. 11 қараша – 15 желтоқсан);

• LI Халықаралық ғылыми-тәжірибелік конференция (2025 ж. 10–11 сәуір), онда жас зерттеушілер өзекті ғылыми тақырыптар бойынша баяндамалар ұсынды.

Кеңес «Инновациялық Еуразия университетінің Хабаршысы» журналына және басқа да рецензияланатын басылымдарға ғылыми мақалаларды жариялауға белсенді атсалысты. Сонымен қатар, ғылыми қызметті ақпараттық сүйемелдеу – байқаулар, конференциялар мен гранттар туралы ақпараттық хаттарды университет сайтына уақытылы жариялау маңызды бағытқа айналды. Бұл студенттер, магистранттар мен оқытушылар үшін ғылыми жұмысқа қатысты өзекті ақпаратқа ашық қолжетімділікті қамтамасыз етті.

Маңызды жетістіктердің бірі – ИнЕУ студентінің «2025 жылдың үздік ғылыми мақаласы» атты халықаралық байқауда жеңімпаз атануы болды. Жұмыс ғылыми жаңашылдығы мен практикалық маңыздылығы үшін жоғары бағаланды.

Ғылыми қызметтен бөлек, Кеңес оқытушылар мен жастардың қоғамдық өмірге белсенді қатысуын қолдады. Қазақстан Республикасы Конституциясының 30 жылдығы мен Жұмысшы мамандықтары жылына орай ИнЕУ оқытушылары келесі іс-шараларға қатысты:

• Павлодар облысы дене шынықтыру және спорт басқармасы ұйымдастырған студенттік жастар олимпиадасы «Туризм, алға!» (2024 ж. 19 қараша);

• «Әр дауыс маңызды» атты диалогтық алаң (2025 ж. 24 қаңтар);

• Жастарға арналған Jastar Vibe жобасы аясындағы «Тайна центра» интерактивті іс-шарасы (2025 ж. 24 қаңтар);

• «ТАЙНА КЕЙСА» атты квест-ойын (2025 ж. 19 ақпан);

• Информатика және бағдарламалау бойынша олимпиада (2025 ж. 29 наурыз), онда оқытушылар қазылар алқасы мен ұйымдастырушылар ретінде қатысты;

• «Таза Қазақстан» экологиялық акциясы (2025 ж. 4 маусым), оған оқытушылар, студенттер мен Кеңес мүшелері белсене қатысып, аумақты абаттандыру және экологиялық жауапкершілікті насихаттау жұмыстарына атсалысты.

ИнЕУ Жас ғалымдар мен мамандар кеңесі кәсіби бағдар беру бағытында да белсенді жұмыс істейді: түрлі мамандық иелерімен кездесулер, шеберлік сабақтары ұйымдастырылады, сондай-ақ мектептер мен өңірлермен серіктестік арқылы оқушыларды еңбек нарығының заманауи талаптары және кәсіби өсу мүмкіндіктерімен таныстыру жұмыстары жүргізіледі.

Кеңес университеттің ғылыми-білім беру кеңістігіндегі беделін арттырып, академиялық ортаны дамыту үшін қолайлы жағдай қалыптастыруды жалғастыруда.

Құрметпен,
Жас ғалымдар мен мамандар кеңесінің төрағасы,
PhD, доцент Ж.Б. Исаева