Қазақстан Республикасының жоғары және
жоғары оқу орнынан кейінгі білім беру ұйымдарының студенттері арасында
бета-нұсқадағы веб-сайтты әзірлеуге арналған байқау өткізу туралы
«Жоғары білімді дамыту ұлттық орталығы»
Қазақстан Республикасы Ғылым және жоғары білім министрлігі

Құрметті әріптестер!

Қазақстан Республикасы Ғылым және жоғары білім министрлігі «Жоғары білімді дамыту ұлттық орталығы» (бұдан әрі – Орталық) Қазақстан Республикасы ЖОО студенттері арасында Орталықтың ресми сайтының бета-нұсқасын әзірлеуге арналған ашық байқауды бірлесіп өткізуге шақырады (https://enic-kazakhstan.edu.kz).

Байқаудың мақсаты —

практикалық міндеттерді шешу арқылы профильдік ЖОО студенттерінің кәсіби және шығармашылық жетістіктерін анықтау.

Байқаудың міндеттері:

1) Практикалық бағыттағы оқытуды жүргізу;
2) IT-мамандықтар бойынша оқытуды танымал ету және насихаттау.

Байқауға Қазақстан Республикасының профильдік жоғары оқу орындарының бакалавриат және магистратура бағдарламаларының студенттері қатыса алады. Қатысу форматы — жеке немесе командалық (4 адамға дейін).

Байқауды өткізу мерзімдері:

Бірінші кезең (ішкі университеттік):
Өтінімдер мен жобаларды қабылдау: 2025 жылғы 28 сәуірден 28 мамырға дейін

Екінші кезең (республикалық): 2025 жылғы 6 маусымға дейін
Республикалық қазылар алқасының жұмысы және жобаларды бағалау: 28.05 – 04.06.2025

Байқаудың жүлде қоры:

1 орын — I дәрежелі диплом + 500 000 теңге + Орталықпен әрі қарай ынтымақтастық мүмкіндігі
2 орын — II дәрежелі диплом + ақшалай сыйлық (100 000 және 50 000 теңге)
3 орын — III дәрежелі диплом.
Іріктеуден өткен және базалық талаптарға сәйкес келетін барлық қатысушыларға электрондық қатысушы сертификаттары беріледі

Қатысушыларға қойылатын талаптар, байқау шарттары, бағалау критерийлері және болашақ сайттың құрылымы Байқау ережесінде көрсетілген.

Байқау туралы студенттерге хабарлау, сондай-ақ бастамашыл және дарынды студенттердің қатысуын қамтамасыз ету үшін белсенді қолдау көрсетуіңізді сұраймыз. Байқау туралы ақпаратты университеттердің ресми сайттарында, білім алушылар порталда, ақпараттық стендтерде және әлеуметтік желілерде орналастыруыңызды сұраймыз.

Құрметпен,
Байқау ұйымдастыру комитеті
«Жоғары білімді дамыту ұлттық орталығы»
Қазақстан Республикасы ҒЖБМ
Тел.: 8 (7172) 57-20-75 (қабылдау бөлмесі)
8 (7172) 27-35-06 (IT-мамандар)
Ереже