![](/uploads/posts/2024-06/1718699180_58bd720d-0a4e-485b-ab6f-a1c733068a96.jpg)
Инновациялық Еуразия Университет (ИнЕУ) «Серпін» бағдарламасы бойынша ақпараттық-түсіндіру жұмыстарына белсенді қатысады.
Инновациялық Еуразиялық Университет (ИнЕУ) «Серпін» бағдарламасы бойынша ақпараттық-түсіндіру жұмыстарына белсенді қатысады.
Осы қызмет аясында Құқық кафедрасының меңгерушісі Сәуле Иксатова және Ветеринария және өнеркәсіптік технологиялар кафедрасының оқытушысы Айдана Хусаинова абитуриенттерді ИнЕУ-де оқудың артықшылықтарымен, студенттерге арналған мүмкіндіктермен және оқуды аяқтағаннан кейінгі табысты мансаптық перспективаларымен егжей-тегжейлі таныстырды.
Биыл еліміздің оңтүстік өңірлерінен солтүстік облыстарға білім алуға ниет білдіргендерге 4 мың грант бөлінеді. Қазіргі уақытта бағдарламаны түсіндіру мақсатында Түркістан облысында «Жоғары білім» көрмесі өтуде. Іс-шараға еліміздің 23 жоғары оқу орнының бірінің студенті болуға мүмкіндігі бар мектеп түлектері қатысты.
«Қазір мектеп түлектері арасында инженерлік, педагогикалық және IT-мамандықтар сұранысқа ие болып отыр. Биыл «Серпін» бағдарламасы үшін министрлікпен 3903 грант қарастырылған. Оның 65 пайызы, яғни 2513 грант педагогикалық бағыттарға бөлінген. Бұл мемлекет тарапынан айтарлықтай қолдау. Сонымен қатар, Президенттің тапсырмасы аясында өңірлік жоғары оқу орындарында шетелдік университеттердің филиалдары ашылуда. Шетелдік жоғары оқу орындарында білім алғысы келетіндер үшін бұл тамаша мүмкіндік. Енді жоғары білімді әлемнің жетекші университеттерінен Қазақстаннан шықпай-ақ алуға болады. Көрмеге Жұбанов атындағы Ақтөбе өңірлік университетінің базасында ашылған Heriot-Watt университетінің және Қозыбаев атындағы Солтүстік Қазақстан университетінің базасында Аризона университетінің филиалының өкілдері қатысуда», - деді ҚР ғылым және жоғары білім министрінің кеңесшісі Руслан Емелбаев.
ИнЕУ «Серпін» мемлекеттік бағдарламасы шеңберінде сапалы білім алу және жұмысқа орналасу мүмкіндіктері туралы халықтың хабардар болуын арттыру бойынша белсенді жұмысты жалғастыруда.