Облыс әкімі ИнЕУ-де болды

ЖОО ғалымдары мен студенттері Әбілқайыр Сқақовқа әр түрлі бағыттағы инновациялық әзірлемелерді таныстырды. Сыртқы жарнамаға арналған «тірі» манекендерден бастап іргелі зерттеулерге дейін. Аймақ басшысы ИнЕУ қабырғасында жүзеге асырылып жатқан жобалардың маңыздылығын атап өтті.

Осындай жобалардың бірі АҚШ елшілігімен бірлесіп жүзеге асырылды - STEMulation. Оның арқасында 43 мектептің 68 педагогы заманауи әлемге қажетті жаңа білім алды. STEM (Science, Technology, Engineering, Mathematics) білім — бұл жаратылыстану ғылымдары мен инженерлік пәндерді бір жүйеге біріктіретін модель. Жоба аясында қала оқушылары да оқытылды, арнайы STEAM-лагері ұйымдастырылды.

 - Болашаққа үлкен перспективасы бар жоба, STEM кадрларына деген қажеттілік жыл сайын артып келеді. Сондықтан білім беруді дәл осы бағытта дамыту қажет, ИнЕУ - де бүгінгі күні қажетті осындай идеялардың туындап жатқаны қуантады, - деді Павлодар облысының әкімі Әбілқайыр Сқақов.

Айта кетейік, Павлодар облысы әкімінің орынбасары Айзада Құрманова өңір басшысымен бірге Инновациялық Еуразия университетіне барды. Қонақтар үшін экскурсияны ИнЕУ ректоры Анастасия Алиясова мен ИнЕУ Бақылау кеңесінің төрағасы Шыңғыс Мәкенов өткізді.

- ИнЕУ ең батыл идеяларды іске асыруға және тығыз ынтымақтастыққа дайын. ЖОО - да бұл үшін барлығы бар: жоғары білікті ұжым, белсенді, ашылуға ұмтылатын студенттер, жабдықтары бар зертханалар, - деп атап өтті ИнЕУ ректоры Анастасия Алиясова.

Кездесу еркін жағдайда өтті. Аймақ басшысы барлық спикерлерді қызығушылықпен тыңдап, әр идея туралы айтты. Барлығы бір нәрсені біріктіреді-қоғамға пайда.

ИнЕУ баспасөз қызметі