ИнЕУ еріктілері «Самал» оңалту орталығының арбадағы жас мүгедектерге арналған спорттық марафонды өткізуге көмектесті.

Халықаралық нашақорлыққа қарсы күрес күні қарсаңында (ол 26 маусымда болады) Павлодар облысы полиция департаменті есірткі қылмысына қарсы іс-қимыл басқармасының қызметкерлері Павлодар қаласының ішкі саясат бөлімінің қолдауымен мүгедектер арбасындағы жастардың қатысуымен «Спортта бәрі тең! Біз өмірді таңдаймыз, Есірткіге жол бермеңіз!» атты марафон ұйымдастырды.

Марафонды «Running Pavlodar» қозғалысының қатысушысы Қанат Шакуов бастап берді. 4 шақырым маршрутта қатысушыларды «поэтикалық үзіліс» күтіп тұрды. Павел Васильев атындағы әдеби бірлестік мүшесі ақын Рафаэль Мұхамеджанов салауатты өмір салты, махаббат және Павлодар туралы өлеңдер оқыды.

Мәреде марафоншыларды Павлодар әкімінің орынбасары Светлана Гладышева қарсы алды: «Салауатты өмір салты – бұл әр адам үшін маңызды аспект. Өзіңізге сенімді, көңілді адамдар болыңыз. Әр күн ашық және мейірімді болсын, әр сәт туыстардың құшағы мен күлкісін берсін. Шын жүректен денсаулық, амандық және терезеден тыс бейбітшілік тілеймін».

Марафон концертпен және үміт символы ретінде аспанға ақ көгершіндерді ұшырумен аяқталды.

ИнЕУ баспасөз қызметі