2021 жылдың 15 қаңтарында «Ауыл шаруашылығы және биоресурстар» кафедрасының базасында «Студенттердің өзіндік жұмысын ұйымдастыру» тақырыбында онлайн семинар-тренинг өтті.

Тренингті биология ғылымдарының кандидаты, «Ауыл шаруашылығы және биоресурстар» кафедрасының профессоры Любовь Степановна Комардина өткізді.

ZOOM платформасында онлайн форматта өткен семинарға «Ауыл шаруашылығы және биоресурстар» кафедрасының профессорлық-оқытушылық құрамы қатысты. Любовь Степановна презентацияны ұсынды, тыңдаушыларды студенттердің өзіндік жұмысын жүргізудің әртүрлі әдістері мен нысандарымен таныстырды және туындаған барлық сұрақтарға жауап берді.

Семинар соңында қатысушылар Любовь Степановнаға пайдалы ақпарат үшін алғыстарын білдірді, сондай-ақ семинарды қайта өткізу туралы шешім қабылданды, онда әрбір оқытушы өз әріптестерімен студенттердің өзіндік жұмысын ұйымдастырудың өз әдістерімен бөліседі.

ИнЕУ баспасөз қызметі
(«Ауыл шаруашылығы және биоресурстар» кафедрасының аға оқытушысы
Ақкенже Бердіханқызы Омарованың ақпараты бойынша)