19 қазан күні Инновациялық Еуразиялық университетінің қызметкерлері Павлодар қаласының аумағын санитарлық тазалауға бағытталған облыстық сенбілікке қосылды.

Іс-шара университет ұжымын қалада тазалық пен жайлылық орнату мақсатында біріктірді. Сенбілік аясында көшелерді, саябақтарды және жақын маңдағы аумақтарды жинау жұмыстары жүргізілді. Қатысушылар қала инфрақұрылымын жақсартуға өз үлестерін қосып, қоршаған ортаға ұқыпты қараудың маңыздылығын көрсетті.

ИнЕУ әрқашан қалалық инфрақұрылымды жақсартуға және экологиялық жағдайды түзетуге бағытталған бастамаларды белсенді түрде қолдайды. Мұндай акциялар экологиялық жауапкершілікті қалыптастыруға және қызметкерлер арасында бірлікті нығайтуға ықпал етеді.