25 желтоқсанда Инновациялық Еуразия университеті ашқан «AWE» әйелдер кәсіпкерлігі академиясының қатысушыларына арналған «DreamBuilder» курсының тұсаукесері өтті. «AWE» жобасының бизнес-тренерлері Зульфия Арынова мен Зубираш Смағұлова презентация жасады.

Олар барлық курс барысында қатысушыларды сүйемелдейді.
«DreamBuilder» курстары 2022 жылдың наурызына дейін аралас форматта (онлайн және офлайн) жалғасады. «DreamBuilder» - бұл АҚШ Елшілігі ұсынатын арнайы курстар, олар қатысушыларға өз ісін бастау немесе дамыту дағдылары мен білімдерін үйретеді. «DreamBuilder» - ден өткеннен кейін грант иелері табысты бизнесвумен болу мақсатына жақындайды және сол арқылы ел экономикасын нығайтады.
Academy of Women Entrepreneurs (AWE) – ИнЕУ мен АҚШ-тың Қазақстандағы Елшілігінің @usinkz бірлескен жобасы. Ол 2021-2022 жылдарға есептелген. Мақсаты-Павлодар, Екібастұз және Ақсу әйелдеріне өздерінің экономикалық әлеуетін іске асыруға көмектесу.

ИнЕУ баспасөз қызметі