Қамқоршылық кеңес мүшелері ИнЕУ консорциумының өңіріміздің экономикасына қатысуын талқылады. Онлайн-кеңесті ИнЕУ ҰОК Қамқоршылық кеңесінің төрағасы, «Атамекен» ҰКП ПФ төрағасы Олег Крук өткізді.

ИнЕУ-дің бірінші проректоры Анастасия Алиясова ЖОО және оның болашағы туралы презентациясын ұсынды. Өңірдің дамып келе жатқан өнеркәсібіне жоғары білікті кадрлар мен ғылыми қамтамасыз ету қажет. Осы міндеттерді орындауға консорциумның күштері жұмылдырылған. ИнЕУ-Инженерлік-экономикалық бейіндегі заманауи университет.

ИнЕУ білім беру бағдарламаларының өңірлік экономика талаптарына сәйкестігі туралы академиялық жұмыс жөніндегі проректор Ақмарал Қадырова хабарлады:

- Таяу болашақта Қазақстан экономикасы мұнай-газ, бірінші кезекте отын-энергетика кешеніне тәуелді болады. Оны дамыту жобаларын талдау Өңірде кәсіптік білім беруді ұйымдастырудың екі бағытын айқындайды: экономиканың басым салалары үшін бұқаралық кәсіптер мамандарын даярлау және шағын және «шағын сериялы» орта бизнес үшін мамандарды  даярлау.

ИнЕУ-дің білім беру бағдарламаларын келіскен жұмыс берушілердің қатарында аймақтың ірі кәсіпорындары, банктері, мемлекеттік органдары мен БАҚ бар. Олар ИнЕУ оқу-әдістемелік кеңесінің және білім беру бағдарламаларын әзірлеу бойынша жұмыс топтарының құрамына кіреді.

35 білім беру бағдарламасы бойынша дуальды оқыту жүргізіледі, бинарлық сабақтарға практиктер (тәжірибешілер) шақырылады, кәсіпорындарда кафедра филиалдары ұйымдастырылады.

ИнЕУЖК жұмысы мен жетістіктері туралы директор Шалқарбай Тәженов айтып берді. Білім беру сапасы «World Skills – 2020» да 4 номинацияда – кәсіпқойлардың облыстық жарыстарында студенттердің жеңісімен расталды.

Кеңес хатшысы, инженерлік-технологиялық факультетінің деканы Александр Свидерский ИнЕУ жанындағы эндаумент-қорды ұйымдастыруды ұсынды. Бұл қор меценаттар салған қаражатты жинақтап, ұлғайтатын болады. Алынған пайда университеттің материалдық-техникалық базасын нығайтуға, ғылыми жобаларды қаржыландыруға, студенттердің оқуына жұмсалады.

ИнЕУ баспасөз қызметі