Байқау кеңесінің 2020 жылғы 15 желтоқсандағы шешімімен Инновациялық Еуразия университетінің бірінші проректоры болып Алиясова Анастасия Васильевна тағайындалды.

Анастасия Васильевна-филология ғылымдарының кандидаты, қауымдастырылған профессор, «STEMulation» жобасының үйлестірушісі. Бірінші проректор лауазымына кіріскенге дейін ИнЕУ ғылыми-ұйымдастыру жұмысы және халықаралық ынтымақтастық бөлімінің бастығы қызметін атқарды.

Инновациялық Еуразия университетінің бірінші проректоры лауазымына кірісуіңізбен шынайы құттықтауымызды қабыл алыңыз. Сізге табыстар мен қызметте жоғары жетістіктер, шығармашылық идеялар, үнемі шабыт және өшпес ынта тілейміз. Ұжым бірінші проректор лауазымында Сіз өзіңіздің кәсіби әлеуетіңізді барынша іске асыра алатыныңызға сенім білдіреді.

ИнЕУ баспасөз қызметі