«Инновациялық Еуразия университеті» ЖШС студенті Прудникова Анель Евгеньевна XVII Халықаралық IT-Планета 2026 олимпиадасы аясында өткен «Пайдаланушылар кубогы – 2026» жастар чемпионатының финалында жоғары нәтиже көрсетіп, жүлделі орындарға ие болды.

Жарыс қорытындысы бойынша Анель келесі жетістіктерге қол жеткізді:

🥇 АКВИС Лаб компаниясы ұйымдастырған «AliveColors бағдарламасында цифрлық графиканы жобалау және жасау» бағыты бойынша «Пайдаланушылар кубогы – 2026» жастар чемпионатының финалында І орын;

🥉 «Инсайт» командасының құрамында өнер көрсетіп, «Пайдаланушылар кубогы – 2026» жастар чемпионатында ІІІ орын.

Чемпионаттың ауқымы ерекше болды: 15 мыңнан астам қатысушының ішінен финалға Ресейдің 42 өңірінен, сондай-ақ Беларусь пен Қазақстаннан келген небәрі 156 үміткер жолдама алды. Кейін финалистер 15 командаға бөлініп, түрлі практикалық тапсырмаларды орындады.

Чемпионат барысында қатысушылар бірнеше отандық цифрлық шешімдерді қатар қолдануды талап ететін күрделі практикалық кейстерді шешті:

🎯 VR Concept платформасында виртуалды әлемдерді 3D-жобалау;

🎯 «Эсборд» онлайн-тақтасында идеялар мен жобаларды визуализациялау;

🎯 Loginom low-code платформасында деректерді талдау;

🎯 Ресейлік нейрожелілерде кескіндермен жұмыс істеу үшін промпттарды тиімді құрастыру;

🎯 Нейрожелілерде мәтіндермен жұмыс істеуге арналған промпттарды әзірлеу;

🎯 AliveColors бағдарламасында цифрлық графиканы жобалау және жасау.

Анельдің жоғары нәтижелері оның кәсіби құзыреттілігінің, шығармашылық әлеуетінің және жеке де, командалық жұмыс барысында да тиімді әрекет ете алатын қабілетінің айқын дәлелі болды.

Студенттің жетекшісі әрі тәлімгері Шоклева Людмила Александровна өз пікірінде:

«Анельдің жетістігі – оның мақсаткерлігі, еңбекқорлығы және заманауи цифрлық технологияларға деген шынайы қызығушылығының нәтижесі. Әсіресе, чемпионаттың бірнеше бағыты бойынша өзін жоғары деңгейде көрсете алғаны қуантады. Ол сапалы дайындық деңгейін және команда құрамында нәтижелі жұмыс істей алатынын дәлелдеді. Біз оның жетістіктерін мақтан тұтамыз және бұл жеңіс оның кәсіби қалыптасуы мен ақпараттық технологиялар саласындағы болашақ табыстарының маңызды кезеңіне айналады деп сенеміз», – деп атап өтті.

Қатысушыларды дайындау және сүйемелдеу жұмыстарында «Инновациялық Еуразия университеті» ЖШС атынан IT-Планета платформасының үйлестірушісі, Информатика және бағдарламалық технологиялар кафедрасының аға оқытушысы Ляшенко Ирина Ивановнаның рөлі ерекше. Ол студенттердің IT-бағытындағы олимпиадаларға, чемпионаттар мен байқауларға қатысуына тұрақты ұйымдастырушылық және әдістемелік қолдау көрсетіп келеді.

Анель Прудникованы лайықты марапаттарымен шын жүректен құттықтаймыз! Оған жаңа жеңістер, жарқын жобалар және халықаралық аренада толағай табыстар тілейміз! 🎉👏

Фото 1

Фото 2

Фото 3

Фото 4

Фото 5