Павлодар қаласының психологтары мен пән мұғалімдерінің сұранысы бойынша Инновациялық Еуразия университеті «Білім алушылардың интеллектуалдық қабілеттерін дамыту құралдары» тақырыбындағы ай сайынғы семинарларды жалғастыруда. Семинарлар ИнЕУ базасында өтіп, оқу процесіне қолдау көрсетуге және оқушылардың интеллектуалдық қабілеттерін дамытуға бағытталған.

Семинардың авторы және жүргізушісі – педагогика ғылымдарының докторы, профессор, ИнЕУ-дің «Әлеуметтік-гуманитарлық ғылымдар» кафедрасының меңгерушісі Бағжанат Дындарбекқызы Қайырбекова. Семинар барысында педагогтар мен психологтар өз кәсіби тәжірибесінде оқушыларды тиімді дамыту үшін қолдануға болатын жаңа әдістер мен техникаларды меңгереді.

Семинарлар қала мұғалімдері арасында үлкен танымалдыққа ие болып, білім беру мамандарының кәсіби өсуі мен тәжірибе алмасуының маңызды бөлігіне айналуда.