Құжаттарды нострификациялау

Нострификация - басқа мемлекетте берілген құжаттың дұрыстығын анықтау мақсатында жүргізілетін рәсім. Нострификацияны ҚР БҒМ-нің Болон процесі және академиялық ұтқырлық орталығы жүргізеді.

  1. білім туралы құжаттарды нострификациялау туралы өтініш;
  2. білім туралы құжаттың және қосымшасының түпнұсқасы (тексергеннен кейін қайтарылады);
  3. жеке басын куәландыратын құжаттың, білім туралы құжат пен оның қосымшасының нотариалды куәландырылған көшірмелері (қажет болған жағдайда мемлекеттік немесе орыс тіліндегі аудармасымен), сонымен қатар;
  4. оқу орынының мөрімен расталған негізгі орта, жалпы орта білім туралы мемлекеттік үлгідегі құжаттан басқа білім туралы құжатты берген оқу орнының лицензиясы және аккредиттеу туралы куәлігінің көшірмелері (қажет болған жағдайда нотариалды куәландырылған мемлекеттік тілдегі немесе орыс тіліндегі аудармасымен);
  5. төлемақы туралы түбіртек.

2-тармақшада көрсетілген құжаттар апостилизациялануы немесе заңдастырылуы қажет, немесе мемлекеттік қызметті пайдаланушыға оқу орнынан оның оқуын растайтын мұрағаттық анықтама ұсыну керек.

Құжаттарды өтініш берушінің өзі емес, сенімді тұлға тапсырған кезде нотариалды расталған сенімхат (түпнұсқасы) немесе ұйымның бірінші басшысының қолы қойылған және мөр басылған ілеспе хат болу керек.

Құжаттарды тапсыруда өтініш сауатты, түзетулерсіз, баспа қаріптермен толтырылып, мекенжай мен байланыс телефондары нақты көрсетілу керек.
Нострификация туралы куәлікті алған кезде өзіңмен бірге жеке куәлік және төлемақы туралы түбіртектің түпнұсқасы (сенімді тұлғаға – сенімхат) болу керек.

Болон процесі және академиялық ұтқырлық орталығы мына мекенжай бойынша орналасқан: 010000, РК, қ. Астана, Қабанбай Батыра д-лы, 28, № 4 кеңсе, тел: 8 (7172) 28-75-21, 28-75-31, 28-75-32.

Орталық сайты

e-mail: Этот адрес электронной почты защищен от спам-ботов. У вас должен быть включен JavaScript для просмотра.