«Дұрыс ұрысуды» үйренеміз

Рейтинг
(0 благодарность)
Жарияланды: Жаңалықтар

trening 09 04 3Даулы жағдайда әрқайсымыз болып көрдік. Бірақ оларды басқаруды қалай үйрену керек? Негізгі бизнес дағдылар жөніндегі кәсіби коуч СВЕТЛАНА БАЙГАЛИЕВА осы және көптеген өзге дүниелер туралы айтты. Ол Инновациялық Еуразия университетінде «Кикілжіңдерді басқару. Презентация және көпшілік алдында сөз сөйлеу дағдылары» семинар-тренингін өткізді.
Семинарды ИнЕУ «Бизнес-профи» орталығы ұйымдастырды. Тренингті өткізудің басты мақсаты – кикілжіңнің оң тұстары туралы айту, оның құрылымы мен даму кезеңдерін түсіндіру, тұлғалық және ұйымдық деңгейде кикілжіңдерді басқару әдістері мен құралдарын көрсету.

Тренинг барысында команда стрестік күйзелістер мен даулы жағдайды төмендетудің психотехникасын меңгеріп көрді. Қатысушылар кикілжіңді жан-жақты қарады, оның туындау себептері мен жою жолдарын түсіне алды. МВА бағдарламасының оқытушылары мен тыңдаушылары сенімді қалыптастыру жаттығуларына белсенді қатысты. Сонымен қатар Светлана оларға рольдік ойындар ұйымдастырды, оларда әркім өзінің дұрыс шешім қабылдай алатынын көрсете алды.

trening 09 04

Тренингтің екінші бөлімінде негізгі бизнес дағдылар жөніндегі кәсіби коуч сөйлеу кезінде аудиторияның назарын қалай аудару және оны жоғалтып алмау туралы айтты. Семинар тыңдаушылары сәтті презентацияның құрылымы мен мазмұнын дайындау алгоритмімен танысты. Светлана мұнда көптеген факторларды – өз сөзіңнің міндеттерін тұжырымдау және мақсатты аудиторияны бағалаудан бастап, вербалды және бейвербалды қарым-қатынас дағдыларына дейін ескеру керектігін атап өтті.

trening 09 04 2

Практикалық тұрғыдан бекіту үшін тренер бірнеше қарапайым жаттығу ұсынды, олар көпшілік алдында сөз сөйлеу кезінде өзіңе деген сенімділікті дамытуға мүмкіндік береді. Ең батыл қатысушылар аудитория алдында сөйлеу машықтарын жетілдіре алды.
Осындай пайдалы тренингке қатысқан тыңдаушылар кикілдіңдерді басқару – бұл өнер екеніне, оны үйренуге болатынына және оның қажеттілігіне көз жеткізді.

 

 

Айна Нарынбаева,
МВА бағдарламасының жетекшісі

Оқу 387 Время
Жаңартылды Tuesday, 19 April 2016 17:49

Пікір қалдыру

Сіз қажетті ақпарат енгізіп отырғаныңызға сенімдісіз бе? (*)